Moustafa Faroukh
( خلق بفيطرون سنة 1918. أسس جريدة صوت الجبل سنة 1949)
ضيعا بيتين وتنّور
ضيعا بيتين وتنّور
كلا كروم وكلا صخور
وداير مندارا صنوبر
بتسوا عندي عشر قصور
وع التلي سندياني
ما بتختير شمخاني
بتسمع من عبّا غناني
وجرحة نغمات العصفور
وفيها جنينات التفاح
بيخلّو عيونك ترتاح
طيب العنبر منها فاح
تلاّ حو الضيعا عطور
وهونيك بحرشا الساحر
بتعبق ريحة مشاحر
ونسمات الغصن الزاهر
أنقا من فوح البخّور
وطالع طالع ع العالي
عينك تنظر ع حقالي
وع حطابي وفعالي
وأصوات مهدّي ومعدور
ومكاري بكعب الوادي
عم بيرندح قرّادي
ملفلف بالعبا وغادي
محمّل طحني، شق النور
مستحلي
مستحلي مستحلي كتير
يا ضيعا لو فيّي طير
ت اشرب من ميّاتك
ونملي سحبى تحت الشير
مستحلي يا ضيعتنا
لنّو سهرا بخيمتنا
وفيكي نقضي ليلتنا
نسولف ونفك حزازير
مستحلي بالحقلي دور
حوّش زوباع وزعرور
واتلاقا بجاري الناطور
حامل مشكاك عصافير
مستحلي قطف العنقود
من الدالي العنباتا سود
وتنعشني نسمات برود
من تم الوادي بكّير
مستحلي شوف صحابي
فلاحين وحطابي
وشق عليهن بالغابي
نقعد ونلفّ سواكير
لو طوّلنا غيبتنا
ما خلصت صيفيتنا
وخيالك يا ضيعتنا
مصّور بقلبي تصوير
ثقافة لبنان والعالم Lebanonism 
انا ماريا صليبا أدرس الأدب العربي في سنتي الأولى هويت الشعر من صغري ولا عجب وقد رضعت حليب الكلمات من بلدتي زحلة عروس الشعر ومنبت العبقريّة والآن وقد اشتركت بنجاح بفضل الله في برنامج ستوديو الفن في فئة الشعر العامي قد ولعت في رنة الحروف الزجليّة وفي تراث لبنانا الغنيّ وقد أحببت أن أعلّق في خاتمة هذه الصفحة المليئة بسحر الالفاظ مغتبطةَ بعد ان سكرت بكأسها المفعم بالعطورعلى أمل أن ينبري قلمي أكثر فأكثر على طيّات صفحات الحياة.
وشكراَز
إعجابإعجاب