من قصائد أسعد السبعلي – غابت الشمس – استفقد القلب

Assad Al Sibaaly2أسعد السبعلي
1998-1910

(شاعر السنديان، من ألمع شعراء الزجل، من بلدة سبعل في قضاء زغرتا القرية اللبنانية ملهمة السبعلي بأبنائها وجغرافيتها، انسانها وجمادها، بقي هائماً بها طوال حياته وقد انتقلت الى شعره لتحيا وتخلد. منشئ مجلة «السبعلي» الزجلية (1938) .  دواوينو المطبوعا ومفقودي من السوق:  حكايات- عطور من لبنان- هادا لبنان- سلوا- دمعة السبعلي ومنجيرة الراعي.)

غابت الشّمس

كلمات اسعد السبعلي

غابِت الشَّمْس

وْبَرْدِت النَّسْماتْ

وْلِبْسِت قميص اللَّيْل ضَيْـعِتْنا

وْحَطّ الْفَلَكْ عَ جْبالْها شالاتْ

وْباتُو الطّيُورْ بْسِنِدْيانِتْنا

وِانْدَرَزْ خّدّ السَّما

شامــاتْ

بيض

مِتْل زْرار فِلِّتْنا

وِالنَّدَى سَقْسَقْ عَلَى الْوَرْداتْ

هَالْفَتَّحُو بْحِيْطان حارِتْنا

وْعِرْزال ..

تِحكيلُو الدِّني حْكاياتْ

حْكاياتْ عَنْ أمْجاد أرزِتْنا

ياما عَ دَرْبُو حامِتْ فْراشاتْ

وِنْجُومْ غَطِّتْ عَـا سْطَيْحِتْنا

وْمِنْجَيْرة الرَّاعي لَها عَنَّاتْ

قَدَّيْشْ فَرْقِتْ شَعِرْ حَوْرِتْنا

وْعا كِلّ حَفِّة .. باقِةِ بْنَيَّاتْ

قَصِّتْلُن فْساتينْ

لَوزِتْنا

ياما عَلَيْهُنْ حَنِّت اللّفْتاتْ

وِتْنَهَّدو

شْبَيْبات حارِتْنا

يا اخْتي ..

انْ شاالله بْتِنْجِلي الغَيْماتْ

وِمْنِلْتِقي

مِنْ بَعِدْ غَيْبِتْنا

مِشْتاق للْمَعْبُور

للرِّزْقاتْ

للمَصْطَبِة ..

لْتَنُّور قَبْوِتْنا

لْدَقِّ الْجَرَسْ

لِلْمِخِلْ

لِلْقَيْماتْ

لِلْعَيْن

لِحْكاياتْ جارِتْنا

للرَّاعْيِة السَّمْرا الـْ ورا العَنْزاتْ

لِلميْجانا

لْفَيَّاتْ خَيْمِتْنا

لِلْكَنار .. الأصْفر الرّيشاتْ

يِنْقُرْ خْصُور كْواز تينِتْنا

لِلْمَحْدَلِة

للسَّطِحْ .. لِلخَشْباتْ

لِلكاس يِضْحَك عا سْكَمْلِتْنا

صَلِّي مَعي

يا حِلْوِة الْخَيَّاتْ

تـَ نْعُـود يا اخْتي ..

هْمُوم حاجِتْنا

ما بْيِرْجَع لْخَيِّك هَنا الْغَفْوات

تـَ الشَّمْل يِجْمَعْنا

بْضَيْعِتْنـا

* * * * * * *

استفقد القلب

استفقد القلب، وبكي غيابكن

من حرقتو. راح نشلح ع بابكن

وبنفسجات الخصر ع دروب الهوا

رحتو.  وبعدو عطرهن ع حسابكن

كنا نسينا.  والهوا كتابو نطوا

شو جابكن ع فكارنا، شو جابكن

لمن كتبتو ونكشف سر النوا

بدموعنا، محينا حروف كتابكن

وقفنا على أيام عشناها سوا

بأحلادني.  وانتو نسيتو صحابكن

حنّت ليالي الصيف والكرم استوا

وشفافنا اشتاقت على عنّابكن

الإعلانات

اترك رد

Please log in using one of these methods to post your comment:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s