من قصائد خليل قرداحي – وين السما – محبيّ – لو – ريتو التراب – خلف المدا – تلة عتم

خليل قرداحي

1923

(من مواليد الاسكندريا 1923. اشتغل بالصحافي. أسس مع خيو فوآد قرداحي جريدة صوت الجبل. الو ديوانين مطبوعين: لوين 1979. من جمر الموقدي 1982)

وين السما

هالأرض، لو كانت رماد ونار

تولول وتصرخ متل شي مجنون

ورفّ فوقا خيال طفل، وطار

رفة جوانح شي فرخ حسون

بينقلب كانون لنوار

بتضحك بتزهر هالدني بكانون.

مطرح ما عم يلعب ولاد زغار

بشوف قلبي طفل، حدن صار

ومطرح ما بيكونو. السما بتكون

محبيّ

انت الريح عم تعصف بقلبي

انت البحر، وبصدري مواجك

انا هشلان، مستفقد بغربي.

سرفني الليل، ضوّيلي سراجك

وين ما بروح. رافقني ع دربي

رح اتكي يا رب ع سياجك

لو

يا رب لو بتردني زغيّر

تراب الحقالي ياكل اجرييّ

ارجع فرخ حسون. ما طيّر

عم يحلم بشي ألف غنيي

بشوك الحقالي نتّف تيابي

هبج بو هج الشمس ايديّي

وخرتش وخبي ورد بكتابي

وخبّي الدنيّا كلاّ بعينّيي

وأسرق حبق من طاقة الجيران

وعربش ع لوزي. رندح غناني

اكتب أسامي ولاد ع الحيطان

وخيّل ع قصبي وأعملا حصاني

ريتو التراب

وشوكة العليق تقلب سوسني

والغصون تصير منجيرة قصب

والأرض تطعم ألف موسم باسني

ويزهذرو من جديد عودان الحطب

خلف المدا

دخلك عالهدا عن هالأرض اشقلني

انت الما حدا غيرك، عم يسحرني

لخلق المدا عا ايدك احملني

طير وعلّي فيّ لأبعد من بعيد

بعمّرلك ايديي للسما عواميد

وتموت بعينّيي وتخلق من جديد

ماتتركني دور فتش ع قمر

سفرني بشختور من حزن السجر

انا قلبي عصفور بيحب السفر

تلة عتم

لوين يا عصافير بتروحو وتجو

لمّن بتغدو، لمين بتحطو خبر؟

عم تبرمو حراش الدني وتتفرجو

ويا ريت بعرف شو بتحكو للسجر

وللسهول، الفوق منها بتكرجو.

وشباكنا قديش ما طل ونطر.

وشي بتلمحو خيالي مرق، بترّوجو

الدني بلاكن عود، مقطوع الوتر.

لا زهور ع كراتكن بتغنجو.

لا شمس تضحك بالسما. ولا في قمر.

لا تلال، لا وديان، ليها تلتجو

والأرض تلذة عتم متلاني ضجر

Advertisements

اترك رد

Please log in using one of these methods to post your comment:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s