من قصائد الياس الفران * هَلّق مش بكرَا – وَرد خدودِك – ليمُون الموَردي


الياس الفران ( 1852 – 1921 )
من مواليد دير قوبل سنة 1852 اشتغل بحياكة الحرير ونظم الشعر. سافر عَ اميركا لاسباب سياسيّي ومات فيا سنة 1921 بمرض الفالج. من مؤلفاتو: سلوا الهموم ، السمر في قضاء أوقات السهر.

هَلّق مش بكرَا

 اصحاب مروّي ، ورجال
منضل نحارب ت نشوف
الموت مدلّي علينا حبال
وحتى بحر الدم يطوف

ساعتها منكون متنا
وارتحنا من الاستبداد
والطبيعا ان هفيتنا
يبقو يستلمو البلاد.
ما منرجع عن كلمتنا
الكلمي الحرّا ما بتنعاد.

وَرد خدودِك

 من جبينك طلو القمار
وصار بالدنيا يفيض النور
وأضحا جنح الليل نهار
وصرنا نشوف الدنيي بدور

نادر بالكون وجودك
متلك ما رَبّو الدايات
بالله تعطيني وجودِك
حاج تعملي فييّ نكايات
تفاح أحمر عَ عودِك
معنكش خمسات وستّات
وأصل الجوري مْنِ خدودك
ما بدو فحص وتأجيل.
سحر عيونك من الله
يمّا صِنعا وجرّة ميل

في افق اللطف ملفّي
بدور النور ، شكال لوان
وصاففها فرد صفّي
قمر وتريّا وميزان
لو ردنا السرج نطفّي
وكل إنسان يقعد بمكان
نور جبينك بيكفّي
ما بيلزم شمعا وقنديل

ليمُون الموَردي

 يا أم الخديد الوردي ابيض أحمر عا نوعين
اشبه في فلّي ووردي مزروعين بقرب العين
يا ليمون الموردي الله سْمَلاّ يخزي العين
هادا وارد ما بيردي ولا بتتوقف احوالو
إن شاهد حسنك بدر التيم حالَن بيخبّي خيالو

شعرِك عَ كتافك ينحلّ بلون الليل الحالك
لو شافو السبع بينحلّ وبتضيقّ فيه المسالك
حرير عنداري ونحلّ ما بيلزملو مسالك
الله عليكي نعامو حَلّ وفرّغ خزاين مالو
ان شاهد حسنِك بدر التيم حاَلن بيخبّي حالو

الإعلانات

اترك رد

Please log in using one of these methods to post your comment:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s