من قصائد أسعد السبعلي – طـل الصباح و تكتك العصفور – عطر من لبنان – يا ميمتي


أسعد السبعلي
1998-1910
(شاعر السنديان، من ألمع شعراء الزجل، من بلدة سبعل في قضاء زغرتا القرية اللبنانية ملهمة السبعلي بأبنائها وجغرافيتها، انسانها وجمادها، بقي هائماً بها طوال حياته وقد انتقلت الى شعره لتحيا وتخلد. منشئ مجلة «السبعلي» الزجلية (1938) . دواوينو المطبوعا ومفقودي من السوق: حكايات- عطور من لبنان- هادا لبنان- سلوا- دمعة السبعلي ومنجيرة الراعي

طـل الصباح و تكتك العصفور

طــل الصباح وتكتك العصفور ســــــــهرنا وطولنا بنومتنا
شـــوفي الشــفق فرق علينا النور والشـــمس منشورة عا خيمتنا
والكون غاشــــي والفلك مســــــــحور من سقسقة ميات نبعتنا
يا اختي اســـــــبقيني وولفي المعدور حـــتى نكفي نكاش بورتنا
ليكي الجــــدايا هدهدوا المعبور وخربــــوا مــــــطاعيم كرمتنا
عيطي لك صــوت لـــهـــا الناطور عنزة أبـــوطنوس خربتنا

ظهري يا خيي من التعب مكـــسور ونقطة موي ما في بجرتنا
وبــــدي الحـماية تزق عا التنور وانده بــــدربي بنت جارتنا
تا ترق معنا الخبز يا منصور راحـــــت عياري كل خبزتنا
بشــــــــــــغلنا بايت علينا كســـــــور وحمضت بتكون عجنتنا

يا اختي عفاك روجي يا بدور ولك راح النهار والشمس غدرتنا
ومشــــــقيلك غمر لها القرقور نحنا انســــبقنا يــــــا اخطيتنا
وان مـــــــــــا قدرتي تبعتي الفطور ودي لــــطيفة بنت خالتنا
قديش يا اختي بعيشتي مقهور غير شــــكل عن شبان ضيعتنا
بألف خير وعايشــــــــــين بســـــرور ومغمسة بها الدم لقمتنا

بتزعل ك خيي ســماع مني صبور شومنعمل إذا هيك حالتنا
عرزالنا بيســــــــوا تمان قصور مناخه حلومن ســـــــــنديانتنا
شـــلعات معزى معمشقة عا صخور ومنجيرة الراعي وعنزتنا

(ومغارة قديشة وأرزنا المشـــــــــهور
بيســـووا الدني من عيشتك زعلان؟
غلطان حلوة كتير عيشــــــــتنا)

عطر من لبنان

اشتقنا ع شمة عطر من لبنان
وغفوه ع فرشي منجدا نيسان….
ولوزة بعبا يتكتك العصفور
جناح النسيم بقلبها نعسان…
وصخور بيضا معرقا بزنبق
الفجر لبسها لوان لوان..
وراعي غنم ع صدرها معنق
غنى… وبصوتو تونسوا الوديان…
وبخور مريم تحت هاك الشير
بالندي غسل وجو, وفرحان!
ونسمات, عم تبوسو بكير
ململم ع حالو مقفقف وبردان
والورد… احلى ما نظم نوار
والطف هديه شافها البستان,
تشكلت منو بنات زغار
مطرح ما بدو يخلق الرمان…

يا ميمتي

يا ميمتي الهجران صدري عبقوا
وبالقلب,حط الشوق,جرح وعمقوا
وهالضيعة الاسما بتمي ملبسي
لدروبها يا ما عيوني تشوقو…

حبها بالبال…صورة مقدسي
واسمها بالصدر,خرز معلقو,,
تذكار يحملني ع جنح الوسوسي
وتذكار جفني بالدموع يغرقوا

وهالقلب ,,,بعدو صوت امي مانسي
كل يوم تزيح بيي و تعجقو
فكري انشغل فكت ولاد المدرسي

اترك تعليقًا

Please log in using one of these methods to post your comment:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s